Common University Entrance Test (CUET) ni porikkako sena skang chatro chatrirangna mock test ko ong·ate porikka seaniko tarisamsoatna a·dok sorkariko ACHIK dolrang dabiangaha. Iako dakdilanichi chatro chatrirangna dakchakaniko on·an baksana uamangni poraianio chu·sokatna dakchakanggen ineba uamang janapangaha.
CUET porikkako ra·gataniara India a·songni dingtang dingtang central university rango undergraduate aro postgraduate ko poraina admission rangko ra·na National Testing Agency ong·atangenga. Indakgipa porikkarang nengragipa ong·jani gimin chatro chatrirang saksa sakgipin baksa susagrikna nangao ga·aka aro iarangna tarisamsoaniko dakna dingtang mancha mock test rangko ra·gatanichi bilonggen dakchakaniko ra·bana amgipa chol ong·a ine ACHIK dolrang janapataha.
Indakgipa tarisamsoanirangko chatro chatrirangna sorkari on·a man·genchimode mikkangchi uamangni porikka seanio somoi rangko seng·bate jakkalna, porikkani sokbewal sing·anirangko ma·sisamsona, aro an·tangtangni changa sapaniko nambate jakkalna dakchakanggen ine ACHIK dol parakataha.
Chatro chatrirangko ia neng·nikani rangoni naljokatna mikkangchi mock test rangko ra·bae uamangna dingtang mancha nanggipa skie on·anirangko dakchina a·dok sorkariko ACHIK dolrang mol·molatangaha.
