Wachi karini somoirang ong·engahanina, re·baenggipa salrango mikkarang jimbee wagenchimode, Ganol dam-ni chirangko wate galna nangnaba donga ine Tura Rongkhon, Ganol Civil Division-l ni Executive Engineer u·iatangaha.
Indake chiko wate galani somoio, Ganol chiringni chi aditan tang·donaba gnang aro a·selrangoni naljoke dongna man·agita Ganol dam-ni ka∙mao songdongenggipa songni manderangko mikrake dongchina Executive Engineer ge∙etangaha. Unbaksana chiring sambaona aro gipin chiringrangni sambao donggipa biaprangoni chel∙e simsake dongchinaba u∙iatjolangaha.
