Da·al salo Tura DRDA Conference Hall-o District Co-ordination Committee, ta·rakbegipa mikka balwarangna simsake tarie dongsona man·agita West Garo Hills-ni Block Development Officer-rang aro line department-ni dilgiparang baksa tom·e chanchiramaniko dakangaha. Ia tom·aniko West Garo Hills DRDA-ni Project Director Dolrich B G. Momin dakdilangaha.
Ia tom·anio apsan nangrime dingtang dingtang a·sel aro neng·nikanirangni gimin chanchirimanio Sub-Division aro Block-rangni Nodal Officer-rang pilak department-rangon mesoke on·a, agangrikani biaprango dilgipa ong·e a·jarango dakdilna, Sub-Divisional, Block-rango aro Municipal-ni WhatsApp group-rangko kulie ku·monge kam ka·anirangko agangolgrikangaha. Dingtang dingtang department rango jekai Home Guard, SDRF, Fire & Emergency Services rango naljokatgipa manderangko u·ie donsona nanganikoba tom·anio chanchirimangaha.
A·sel ong·ani somoio MePDCL, Medical Department, Police, Aapda Mitra-ni volunteer-rang, PWD, PHE, Water Resources, Agriculture, Horticulture aro Veterinary department rangni dakna nanggni kamrangni bidingoba agangolpogrikangaha. Unbaksana, maiaba nosto ong·anirang donggenchimode konta 24 ni gisepo mokordoma ka·ani, ambulance-rangko man·a amani, medical aro veterinary department-rango samrangko don·anirang, merong, cha·ani to-rangko aro gipin cha·ani ringani bosturangko Supply department chimonge donani bidingoba chanchirimangaha. Relief camp rangko u·ie ra·angan baksana ramasamrango be·nagipa bolrangkoba nirokchina Forest department rangkoba aganangaha.
