Da·al attam 4 bajimang batani somoio, Rongram petrol pump sepang jolo sorkarini Bolero gari ML-05 W 7720 Alto gari AS-25 C 6565 baksa su·gake a·sel ong·aha. Koborko man·soanigitade, ia a·selni ja·pangara Bolero gari kisangchini ta·rakbee re·bae Alto garini neng·take donengmitingo su·gakeaha ine u·iataha.
Ia a·sel ong·anio darangba saknaako man·jaha, indake ong·genchimoba Alto gari namen nosto ong·angaha. A·sel ong·ako nikgipa manderang bakan pulis dolrangna kobor on·atani ja·mano pulisrang a·damona re·bae sing·sandianirangko dakangaha ine parakataha.
Ia a·selni bidingo talbate ma·sina sing·sandianirangko dakangkuenga aro pilak dakna nanggni kamrangko ja·rike niamo pangchake ja·kurangko de·angenga ine koborna parakataha.
