Reservation Policy o A·chikrangna chamgiminko dingtangataniko ra·bajachina aro chel·chake kamrangko ka·na gitalgipa NGO dol Garo Reservation Policy Demand Committee (GRPDC) ko West Garo Hills ni skotong Tura songjinmao da·alo bikotangaha.
GRPDC ko bikotani miksonganiara Reservation Policy, 1972 o dongimin niamrangko maming dintangataniko dakjachina a·dok sorkariko didiangna miksonge kuliangaha.
Ia gitalgipa NGO-ko re·dilna President na Dr. Meril N Sangma, Vice President na Coffpelsil R Marak, Gredason Ch Momin, Landsdown Ch Momin, Secretary Rev Insting C Marak, Joint Secretary/Treasurer na Advocate Bernita R Marak, Publicity Secretary na Amsrang D Marak, Organising Secretary na Balkarin Ch Marak aro Chevibirth K Marak ko songangaha.
Reservation Policy o maming dingtangataniko ra·bajachina sorkari baksa nanggipa kamrangni bidingo agangrikanirangko dake mikkangchi ja·ku de·angna GRPDC dolrang tik ka·angaha.
