East Garo Hills a·jao Milawe oni Baringre songona dakanggipa PMGSY ramako namgija tariani gimin A·chik Holistic Awakening Movement (AHAM) dolrang raken jegalenba Public Work Department (Road) ni Executive Engineer na chittiko pakwatangaha. Ian ma·mong sorkarini songadamrango ramarangko tarina ba namdapatna chamatgimin tangka paisarang ong·a. Ia ramarang songni manderangna re·rurana gamchatbegipa ong·genchimoba ia kamrangko nangagita chu·onge ka·jaenga ine AHAM dol parakataha.
Seokgimin Contractor na ia project ko on·manahaoba ua name kamrangko ka·jaha aro batanggimin jagittam ba jabrirangna changni chang NGO rang aro songdonggipa manderangni badi ka·genchimoba maming ja·ku de·ani dongjaha ine uamang parakataha. AHAM dolrang dingtang mancha PWD ni Executive Engineer ko ia sorokko kam ka·aniko nirokechina aro dongimin niamgita kraa bewalo namdape tarichina didiataha.
