North Garo Hills ni gitalgipa Adokgre RMSA Higher Secondary School-ko rika cho·anirang namjanina jolni nangrimgimin NGO dolrang iani bidingo name sing·sandichina a·jani Deputy Commissioner (DC) na chitti seachi u·iatangaha.
Ia gitalgipa skul nokko NGO aro skulni dilgiparang apsan bakrime am·sandianiko dakangon rika cho·anirango adita namgijaniko nikange DC na u·iatangaha. Iani bidingo mikkangchi skul bi·sarang aro skigiparangko a∙sel ong∙aoniko naljoke rakkina ta·rakkale nirokatchina jako ra·e kam ka·giparangko uamang ge·etangaha. Unbaksana ia skul nokko name dake taridape on·china aro nanggipa ja·kurang de·chinaba didiangjolaha.
