May 19 tariko bikotgipa gital NGO, Garo Reservation Policy Demand Committee (GRPDC) dolrang, Rikman Hotel-ni Conference Hall-o May jani 23 tarikni 3 bajimango tom∙aniko ong∙atna u∙iatangaha. Ia tom∙aniona pilak NGO aro A·chik maharini dilgiparangko ku·cholsan chanchirimnagita re∙bae bakko ra·echina mol∙moalangaha.
GRPDC dingtangmancha Reservation Policy-o maming dingtangataniko dakgija, apsan donangkuchina dabiangna aro chel·chake kam ka·angna miksonganio re·mikangenggipa ong·a. Reservation Policy donganichi A·chikrang jat chonbeoba tang·donagita dakchakaniko man·enganigimin, janapatgimin dolrangni pilak dilgiparangko re·bae ia tom·anio bakko ra·epachina aro ku·cholsan ong·e re·mikkangna mol·molataha.
