Bangladesh sepang jolni Pirjigiri songo sak gittam manderangni manggisiko re·anggipa May 17 tariko man·aha. Sianggipa sak gittamoni sakgnide Bangladesh a·songoni me·asa saksa aro me·chik saksa ong·a. Sakgipin sianggipaara West Garo Hills Adangre songoni Hagam Sangmani segipa Ambarnath Marak ong·a ine ma·sina man·angaha.
Ia ong∙anggipa obosta ara May 17 tarik ni waljatchimango uamang sakgittamni gisepo kajia golmal ong·ani a·selo janggiko gimaataona sokaha ine parakataha. Uamangni a·sel ong·anina sakgni bako dongpagipa manderangko rim·e pulis dolrang sing·sandianiko dakanio kakketgipa a·selko u·inagita man·angaha.
A·sel ong·gipa biaponiko jora 20 ba 25 mangnigta sandal, atte aro adita ge sil rod ko man·aha ine koborna u·iatangaha. Ia man·gimin manggisirangko porikka ra·e ninagita Tura Civil hospital-ona ra·angaha ineba parakataha.
