Garo Hills-ni dingtang dingtang a·jarangni District Mental Health Programme, May jagimikko Mental Health Awareness month ine done ”Ending Stigma Towards Mental Health and Mental Disorders ” katta bichongo panchake Mental Health Awareness Month programme-ko ong·atangaha. Ia program-ko ong·atani miksonganiara, gisiknigita bilgrigiparangko kratchagija sanna bannaniko ra·china, uamangna dakchakaniko on·a aro ia sabisiko man·a dipet bon·atna jotton ka·ani ong·a.
Tura songjinmani ia program-ko district auditorium-o ong·atangaha jeon Clinical Psychologist Dr. Narbecca G. Momin, West Garo Hills-o ia sabiko chagronggipa manderang donggenchimode saksa sakgipinna dakchakgrikchina mol·molangaha. Bang·bata changon uamang kratchaaniko man·a, chonika aro intekako chagrongrongani gimin ia ma·sisretaniko bon·atna apsan ku·monganikoba Momin on·angaha. Ia programme-ni somoio gisiknigita maikai an·seng baljoke dongna amani cholrangkoba Momin talate on·angjolaha.
Garo Hills-ni dingtang dingtang a·jarango ia program-ko ong·atanio bang·a skulrangni chatro chatrirang, skigiparang, Officer-rang aro gipin dilgiparangba re·bae bakko ra·angtokaha. Mitam bakrango re·jomanirangko dakangan baksana noksa salsusaaniko ong·ate nambatgiparangna boksis aro certificate-rangkoba on·angjolaha.
