Mijal salni bakko a∙dokni CM Conrad K Sangma Ganol chibisikona re∙ange adita Nokmarang aro songdonggipa manderang baksa Sakal Adumao chanchirimaniko dakani ja∙mano, da∙al salo Tura jilani dingtang dingtang Development Committee rang baksa tom∙e chanchirimaniko dakangskaaha. Ia tom∙ani miksonganiara dingtang dingtang songnokranggita jokenggipa chiring aro chibimarango jabolrangko galjachina didian baksana rongtale rakkina re∙mikkangani ong∙a.
Ia tom∙e chanchirimanio, songjinma songadamrango manderangni jabol galchakenggipa biaprangko ma·sie ra·ani aro nirokna nangani gamchataniko Chief Minister aganangaha. Sangma, pilak Develoment Committee-rangko dingtang mancha jabol galdam biaprangko jakkalchina skie on·china aro manderangni gisepo mikrakataniko dakchina didiangaha.
Iani gisepon Municipal department-ko songdongenggipa manderangna jabol galdam biaprangko tarie on∙china didiangan baksana chiring ba chibimarango skatang jabol galgiparangko ma∙sina man∙agita CCTV camera-rangko donchinaba ge∙etangaha.
