WGH Rongkhon Rongreng songni ramarang namjaengahanina salantio an·tangtangni nangana re·rurana nanggipa manderang neng·nikaniko man·enganina daito donggipa official-rangko ta·rake tarie on·china songdongenggipa manderang didiataha. Ia ramako skangni ma·gitcham pagitchamrang re·e Tura anti aro Garobadha antirangko cha·na jakkalgipa rama ong·a ine janapataha.
Ia ramako PWD department-ko taridape on·taichina changni chang dorgastorangko on·manahaoba maming aganchakatanirangko man·janina songni manderang suk ong·gijaniko parakataha. 2016 bilsirango PWD department jako ra·e kamko ka·ahaoba ia rama bilsi gni mangnasan name jakkalnagita man·aha maina ia ramako tarigipa contractor-rang name tarie on·jani a·sel baijaha ine songni manderang u·iataha.
Jolo songdongenggipa manderangni neng·nikanirangko olgrokatnagita, PWD department-ni daito donggipa officer-rangko ia ramako ta·rake taridape on·chinagita songni manderang mol·molataha.
