Meghalaya a·doko CUET porikkako sena nanggija university aro college-rango rimnapaniko dakchina ACHIK dolrangna dabiangaha. Ian central university-rango napna CUET porikkako sena nangtela ine UGC-ni parakatani ja·mano ACHIK dol janapatskaaha. CUET porikkako sena nangtelaniara songsalo manderangni neng·nikani aro janggi tanganiko nigrikgija kam ka·ani ong·a ine ACHIK dol parakataha. Ian bida ra·ani cholko ra·onani ong·a ineba uamang aganangaha.
Indake CUET-ko nangtelaniara poraiani a·bao chatro chatrirangko galchangani ong·a aro uamangni miksonganirangko man·a champengata ine ACHIK dol parakataha. Ia pilakkon dakatgija university-rango rimnapna board porikkani result-rango pangchakna nanga. Board-ni result-rang bi·sani gisik, cholon aro u·i ma·sianiko mesoka, uandake CUET-ko changsa mangmang seatanichi poraigipa bi·sani bidako aro gisikni bilko tosusana man·ja ine ACHIK dolrang aganangaha.
Unbaksana, songadamrangni bi·sarang aro cholgrigiparang CUET-na coaching-rangko ra·e tarisamsona neng·nikanirangko man·a ineba uamang agandapangaha.
