Meghalaya a∙doko re·baenggipa May 26 waloni 28 tarikona mikka balwa rakaniko chagronganggen ine Indian Meteorological Department (IMD) mikrakataniko on·angaha. Ia somoirango mikka jimbee waanichi adita biaprango chi bana ong·anirangkoba chagrongangnaba donga ineba u·iatangaha.
East Central Bay of Bengal-o aditan mikka balwarang rakanirang batroroengani gimin da·al attamoni ta·rakbegipa balmanduri bilakroroangenganiko ma·sisamsoe, Bangladeshgita balbae India a·songni salgro jolrangoba nangchakegen ine u·iatangaha.
Ia balmanduri ong·ani somoio a·doko songdongenggipa manderangko simsake aro naljoke dongchina ge·etangan baksana nanggipa u·ie ra·na nanganirangko kobor on·timgipa a·damrangoniko nie ma·sie ra·chinaba ge·etangaha.
