Mikka balwarang rakbeanichi South Garo Hills a·jani Rajaronggat Rongpakgre songo bijoli salgipa siltong be·dape saksa me·chikma bilongbee saknaako man·angaha. Ia a·selo ga·akgipa me·chikma bilsi 55 ong·gipa Merry Ch. Marak ong·a ine u·ina man·aha.
Ia ong·gipa obostako knae Chokpot ni saksa Dr. Monica Ambulance-ko watate sagipako saleataha. Sanna bannaniko Chokpot jolo ka·na man·jawa ine u·iaton Tura-ona salangchina 108 ambulanceko MDC Nikman Marak watate Turaona sanna bannaniko dakna rimangenga ine koborna u·iatangaha.
Ia song Dalu Sub-Division ni MeECL ni ning·o ga·akani gimin saknaa man·gipa me·chikmako sannanio Department nigita dakchakaniko on·anggen ineba u·iatjolangaha.
