East Garo Hills, Samgong antini sepang jolo donggipa bijoli siltongko a·selo ga·akna skang tarie on·china songdonggipa manderang social media-rango gipatani nikangaha. Ia siltongko bijoli ra·sotenggipara Low Tention (LT) line ong·a jean be·tongmanaha ine manderang janapataha.
Batanggimin changrango ia siltongko tarie on·china aganmanahaoba MeECL department maming ja·kuko de·a dongkuja ine koborna parakataha. Ua jolo songdonggipa manderangna re·rurana jakkalgipa mongsonggipa rama ong·a aro indake siltongni obosta namgija dongenganiara jolni manderangna namen kenbegnigipa ong·enga.
Mikka balwani somoirango maibakai sakoba be·jetgenchimode dal·bea a·selo ga·akanggen ine manderangni social media-rango ia siltongko ta·rake tarie on·china ku·rang on·aniko nikangaha.
