West Garo Hills, Silchotchigre Nokma A·king Gore-o manderangni jakoniko naljokatna dongipa mangchet Hurorangko gipin a·songchi watatna am·enganiko Rombagre songni Lasker Rikrak Sangma jegalataha. Uamangni champenganiara Huro sanram biapo chu·gimik mang 10 Hurorang gnang jekon mangsakoba gipin a·songchina on·atna nangnikgijaniko Sangma u·iatangaha.
Ia Hurorang A·chik a·songni a·brirango dongkam cha·kamgipa ong·ani gimin gipin a·songrango janggi tangna neng·nikgen aro janggi tangbangjawa ine Sangma parakataha. Skangni somoio, Africa a·songni Matchako India-ona rimbagipaba apsandaken janggi tangna biaprang melijae siangaha ine ua agandapangaha.
A·chik A·songo atchigipa matburing a·jatangon dongna nanga aro gipin a·songchina watatna nangnikgijaniko Silchotchigreni Nokma, Rombagre songni Lasker, NGO-rang aro jolni manderang jinma bakrime namnikgijaniko parakataha. A·chik a·songni matburingrangko simsake aro ripinge rakkiani sakantini kam ong·a ine Sangma aganangaha.
