A·dokni Education Minister Rakkam Sangma aro Education Department-ni Advisor HM Shangpliang da·al salo University Grants Commission (UGC) ni Chairman M Jagadesh Kumar-ko a·songni skotong songjinma New Delhi-o grongangaha.
Uamangni grongeani miksonganiara Captain Williamson Sangma State University-ko UGC Act 1956 ni Section 2 (f) ni ning·o napatna ja·ku de·e kam ka·ani ong·a. Ia somoio uamang adita golpogrikanirangko dakani ja·mano, Kumar dingtangmancha a·dokna pilak nanggipa kamrangko ka·e dakchakatnagita ka·dongatani kattarangko aganangaha.
