College of Community Science, CAU(I) Tura, International Day of Potato-ko mijal salo gisik ra·e maniani bako chonchongipa aro nokdangtangtango alurangko ge·e cha·enggiparangna dakchakaniko on·agita programko ong·atangaha.
Ia program-o CCS Tura-ni Dean Dr. Jyoti V. Vastrad baksana Horticulture-ni Asst. Professor aro Organiser ni kamko jako ra·e ka·enggipa Dr. Priyadarshani P. Mohapatra dongpae bakko ra·angaha. Ia program-o sak 55 manderang jekai CSS-ni skigiparang, chatro chatrirang aro game cha·giparangba maniani bako dongangpaaha. Unbaksana game cha·giparangni ge·a gamaniko nambatatna a·sal aro me·su samjakrangni bitchirangkoba sualangjolaha.
