GHADC-ni CEM Albinush R. Marak, da·al salo Gasuapara-o donggipa GHADC-ni alda nokko re·ange nirokeaniko dakangaha. Ia somoio unbaksa Gasuapara-ni MDC Sengchim N. Sangma, songni nokni dilgiparang aro gipinrangba dongpae bakko ra·angaha.
CEM-ni parakatanigitade, ia alda nokko nirokeanio re·baenggipa sal somoirango council-na kajina man·anio dakchakaniko ra·bana miksonge ta·raken chalaichina ge·etangaha ine u·iatangaha. Ian, council-ni tangka paisarangko bikotna neng·nikani somoirango gamchatbegipa gamjin ong·anggen ineba Marak parakataha.
