Da·al salo Garoland State Movement Committee (GSMC), H.Q Tura Unit, Garobadha GSMC Unit na gital dilgiparangko songe on·angaha. Ia gitalgipa dilgiparangko Garobadha jolo ku·mong nangrime ja·ku ga·na aro uamangni miksonganiko mangrakdapatna damsan jinma namnike ra·chakangaha.
Seoka man·gipa dilgiparang, Chairman Ryan Ch. Marak, Co-Chairman Diwan Ch. Marak, General Secretary Holliver A. Sangma, Asst. General Secretary Nikrang G. Momin, Chief Organising Secretary Pileen Ch. Marak, Information & Public Relation Secretary Willingnirth A. Sangma, Publicity Secretary Leonath G. Momin, aro Adviser Valentine Ch. Sangma ong·a.
Executive Member-rangna Prebo Marak, Saklo A. Sangma, Jilling A. Sangma, William Ch. Marak, Krewil Ch. Marak, Christpilar A. Sangma, Salniang A. Sangma aro Marshal Ch. Sangma ko seokangskaaha.
Ia somoio seoka man·gipa dilgiparang mikkangchi re·mikkanganio apsan bakko ra·na aro Garoland man·kujana kingking kam ka·angna ku·mitchete ra·angaha. Gitalgipa dilgiparangni seokaniona GSMC, H.Q ni Balkarin Ch. Marak aro Co-Chairman mongsonggipa ong·e gital dilgiparangko seokaniko dakdilangaha.
