India a·songni adita a·dokrango mikka balwa baksa Bay of Bengal oni re·baaniko Indian Meteorological Department (IMD) parakataha. Arunachal Pradesh, Assam, Meghalaya, Nagaland, Manipur, Mizoram, Tripura, West Bengal aro Sikkim a·dokrango 30-40 kmph mangni ta·rakgipa balwarang baksa mikka wae kimpretanirangko re·baenggipa salrango chagronganggen ine u·iataha.
Ia janapgimin a·dokrango June 8 oni 12 tarikona mikka jimbee waanganiko IMD niksamsoe parakataha. Assam aro Meghalaya a·doko June 11 oni 12 tariko bilongbee mikka balwarang rakanganaba gnang ineba u·iataha.
Gipin a·dokrango chong·motan Bihar, Madhya Pradesh, Jharkhand, Odisha, Punjab, Haryana aro Himachal Pradesh o ding·begipa sal somoirangko chagrongangna nangskaaniko IMD parakataha.
