Narendra Modi gittamgipa changna Prime Minister-ni kamko jako ra·e India a·songko dilangtaina Rashtrapati Bhavan-o a·songni President Droupadi Murmu-ni mikkango ku·mikchetangaha. Modi baksana da·al salo sak 72 gipin dilgiparangba ku·mikchetangaha jeon NDA 3.0 ni ning·o sak 30 Cabinet Minister-rang, Ministers of State Independent Charge-ko jako ra·na sak 5 aro Ministers of State-na sak 36 rang ku·mikchetangaha.
NDA sorkarini gitcham bako ong·giparang Rajnath Singh, Amit Shah aro Nitin Gadkari-ba Narendra Modi-ni ja·mano da·al attamo apsan ku·mitchetangaha. Unbaksana, Northeast a·dokni Kiren Rijiju, Sarbananda Sonowal aro Pabitra Margherita NDA sorkarini Minister-ni bako ong·angenga.
