Tura-ni MDC Bernard N. Marak, Kusimkolgre-ni A·king Nokma, GHADC official aro Shillong-ni survey ka·gipa dolrang baksa British-ni chasongo A·kingni sima ari jolrango songanggipa krongrangko nirikianiko dakdilangaha. Ia A·kingni sima arini jolo bang·a department-rang niamgri napdrabaaha aro ian constitution-o Sixth Schedule-ni dongimin niamrangko pe·ani ong·a ine Marak parakataha.
Ia survey-ko ka·anichi dingtang dingtang department-rangni niamko jakkale ba jakkalgija napbaaniko ma·sina aro A·kingni kakketgipa sima arirangkoba u·ina dakchakgen ine Marak janapataha. Land Acquisition Act of 1894 ni ning·o Gazette of 1984-o sorkarini dakna nanggni kamrang dongan baksana iani bidingo A·kingni a·arangko RTI ka·giminrang gnang aro GHADC-o maming see rakkianirang dongja ine Marak agandapangaha.
