Chang 18 gipa Lok Sabha-ni skanggipa session-ko June 24 tarikoni July 3 tarikona ong∙atna tik ka∙angangaha. Ia session-o gital seokako man·gipa MP-rangna ku∙mitchetna June 24 oni 26 salgittamna somoiko donangaha. Ia salgittam ku∙mitchetna dongimin somoio Meghalaya a∙dokni gital MP sakgni Saleng A. Sangma aro Ricky Andrew J. Syngkon ku·michetanggen.
Ia donsogimin sal somoini gisepo Lok Sabha-ni gital Speaker-ko seoknagitaba election-ko ong∙atangna tik ka∙angaha. Apsan daken A∙songni President Droupadi Murmu pilak u∙iatanirangko dakangjolgen ineba parakataha. Indake gimik kamrangko matchotani ja·man session-o pilak nanggni kamrangko ba agananirangko joljol dakangnagita tik ka∙angaha.
