Re·baenggipa sal bongana kingking Northeast-ni a·dokrango chong·motan Meghalaya, Assam, Sikkim aro gipinrango mikka jimbee waaniko chagrongnaba gnang ine Indian Meteorological Department (IMD) parakataha. Ia somoirango mikka kimpreta baksa 30-40 kmph mangni ta·rakgipa balwarang sokbagen ine IMD u·iataha.
Dingtang dingtang a·dokrango aramrang dite donganiko nikanggen. Guwahati-o batgipa temperature 29° ona tangdoanggen aro komigipa 25° ong·skagen. Shillong songjinmao batgipa temperature 21° ona sokanggen aro komigipa 17° ona tang·onanggen.
Apsan daken gipin a·dokrang jekai Arunachal Pradesh, Mizoram aro Nagaland-oba mikka jimbee waaniko IMD u·iatsamsoaha. Sikkim a·doko batanggimin ru·uta salrangna skangonin mikka jimbee waanichi namen nosto ong·atako man·angaha aro re·baenggipa salrangoba apsankon chagrongkuna IMD mikrakataniko on·ataha.
India-ni skotong songjinma New Delhi-o ding·aniko chagrongangkuna ka·dongsoenga jekon IMD orange alert-ko on·atmanaha. Delhi-o batgipa temperature 45° ona sokanggen aro komigipa 34° ona tang·onanggen.
