Tura-ni MDC Bernard N. Marak, BJP dolni aro manderangni nangnikanirang apsan ong·genchimode Gambegre by election-o susaanggen ine aganangaha. Gambegre constituency ni ning·o bang·a nanganirang aro chu·onggijanirang donga, manderang namnikgenchimode jolni silroro aro namroroanina kam ka·anggen ine Marak aganangaha. Garo Hills-ni manderang bang·a neng·nikanirang jekai job card, ration card, bijoli bill aro gipin chu·ongnikgijarangni bidingo una janaperonga jekon ua namdape kam ka·na dingtangmancha gadangko nanga ine u·iataha.
Batanggimin salrango BJP dolrangni kosako gipin party-rang ong·gija kattarangko agananiara election-ni somoio an·tangtangni namgnina matnange agananisan ong·a ine Marak aganangaha. Dingtang dingtang obostarang jekai Christian-rangko sinjetani, CAA aro UCC-ni bidingo ia by election-oba apsan kattarangko aganangtaigen ine Marak janapangaha. Garo Hills Sixth Schedule biap ong·ani gimin CAA maming dakeba kam ong·jawa aro iani gimin jajrengna nangani katta dongjawa ine Marak agandapangaha.
