Garobadha bajarni nalarango jabolrang datkete dongani a·sel chi jokna man·jae skonge dongenba palgipa sim·giparang aro nangarangko antina koros ka·na re·bagiparang neng·nikaniko man·enga.
Indakgipa obostarangko chagrongani gimin re·anggipa antini gisepon Bajar Managing Committee-na Garobadha Regional Unit-ni A·chik Progressive Approach (APA) dolrang nirok simsake tarie on·china didiatgenchimoba maming ja·ku de·aniko dakangjaha ine u·iatangaha.
Manderangni neng·nikarangko nirokatgija donanian Bajar Committee-ni simsakgijaniko mesoka aro nirok simsakna gisiko nangjaode jako ra·e kamkoba ka·na nangja ineba APA dolrang matnange aganangaha.
