West Garo Hills, Selsella jolo nokdang ge 39 ni sak 186 songni manderangoni sak 49 bi·sarang ong·a, da·si pringni gisepo nokrangko chi bana ong·e nengnikaniko man·e dongenggiparangna sorkarinigita primary skul nokrango dongchakna tarie on·aha.
Ia neng·nikaniko man·e dongenggipa nokdangni manderangna sorkarinigita salgittimna dongchakna aro cha·a ringanirangko on·a tik ka·aniko WGH-ni DC Jagdish Chelani parakataha. Uamangna dongchakna Sankalpara aro Haldibari songni skul nokrango tarie on·aha aro merong, dal, kari, cha·ani to, alu aro rasinrangko sokatna tik ka·angaha ineba DC aganangaha.
