West Garo Hills, Tura DRDA Conference Hall-o Meghalaya Rights to Public Service Act, 2020 ni bidingo awareness program-ko ong·atangaha. Ia awareness program-ko ong·atani miksonganiara a·doko pilak sorkarini ning·o kam ka·enggiparangna Public Service Act-ni ning·o on·gimin somoini gisepo a·dokni manderangna u·iatna nanggnirangni bidingo talate on·angaha.
Program-ni somoio Tura District Commerce and Industries Centre (DCIC) ni Functional Manager, Frederick A. Sangma Meghalaya Right to Public Service Act, 2020 ni gimin che·eme agantalatangan baksana ia Act-ni ning·o Commission-nigita kamrangko ka·na nangani bidingo talatangaha. Apsandaken Meghalaya State Public Service Portal aro Pulblic Grievances Redressal- CPGRAMS, megPGRAMS-rangni bidingoba agantalatangaha. Unbaksana MRTPS Act, 2020 ni dongimin somoini gisepo sorkarini office-rangoni dangdike on·ani niamrang, gamchatani aro ka·na nangarangni bidingo Horticulture (Marketing) ni Assistant Director Sanyang A. Sangma aganangaha.
A∙jao pilak sorkarini department-rangna talate on·agita ia awareness program-ko salgnina ong∙atangengon skanggipa salo seokako man∙gipa department-o kam ka∙giprangna ong·atchenge gnigipa salo gipin department-rangna ong∙atangskagen ine parakataha.
