Education Minister, Rakkam Sangma ni kosako VPP dolni mokordoma ka·e dosi donggenchimode uni kamko watchina dabiani bidingo Tura ni MDC Bernard N. Marak agantalate chakpaaniko on·ataha. Rakkam Sangma, uni agananio VPP dol aro jatsa jatgipinko janape bang·a ong·gija kattarangko aganangaha aro iako mokordoma ka·na uamang chu·gimik bilko man·a ine Tura ni MDC aganangaha.
Sangma saksa dal·gipa daitoko jako ra·e kam ka·gipa ong·e ia dakgipa kattarangko agananiko maming chanchisoa dongja aro uni agananiara a·doko jat gittamni gisepo miligrikatjana miksongani ong·a ine Marak parakataha. Darang mandeba politics o an·tangni man·gnina kragija kattarangko agana nangja ine Marak janapataha.
VPP dolko maming jat basegipa dol dake nikja maina uamang Khasi manderangna nanggipa kamrangko ka·enga aro A·chik dolrangba A·chik manderangni namgnina kam ka·a, iako dakaniara maming namgijani ong·ja ine Marak talatangaha.
