East Garo Hills, Songsak-o Reserve Bank of India (RBI), Bakdil NGO aro NABARD baksa bakrime, tangka paisa jakkalani bidingo ma·sidapaniko on·a Field Level Literacy Camp-ko ong·atangaha. Ia camp-ona, bank-o kam ka·giparang, Self Help Group (SHG), dingtang dingtang a·bao aro gadangrango bak donggipa bang·a manderang re·bae bakko ra·angtokaha.
RBI-ni OIC aro General Manager, Olden Nongphlu mongsonggipa sokgipa ong·e ia Field Level Financial Literacy camp-ko ong·atna nangani gamchataniko talatangan baksana tangka paisarangko bikotani aro chipani kamo internet-ko nangchongmotanikoba ua aganangaha.
Songsak C&RD Block-ni Block Development Officer (BDO), block-o a·dok sorkarini watatgipa scheme aro project-rangni bidingo talatange manderangko ia camp-o namgniko ra·rikchina didiangaha. Garo Hills Region SBI-ni Manager, dingtangmancha ia scheme-rangko SBI-ni kam ka·aniko aganangaha aro namgniko man·a skang aadhar-ko link ka·na nangchongmota ine u·iatangaha.
Williamnagar SBI-ni LDM Moidul Islam East Garo Hills-o SBI-ni neng·nikanirangko janapate RBI-ni OIC aro General Manager-ko SBI-ni branch-rangko Williamnagar-o kulidaptaichina didiangaha.
RBI Shillong-ni Manager Sharmistha Mazumdar manderangko bank account aro accidental insurance tarie ra·china didiangaha. Unbaksana, RBI-ni kam ka·anirang, neng·nikanirangko namdapatani cholrang, tangka paisani mamlao cha·bokgiparangoni naljokna aro mikkangchina tangkako jaktango ra·bitna nanggija janggi tangna man·ani bidingo agandapangaha.
