NGH Bangsi Apal-oni Rompaona songona re·gipa ramako tarigija galchipe donani a·sel skulo poraienggipa chatro chatrirangna porikka sena re·ruranagita namen neng·nikaniko man·enganina Daindubi jolni A·chik Progressive Approach (APA) dol matnangataha.
Ia ramako skulo poraienggipa bi·sarangsan ong·aigija dam 11 songrang chong·motan Guresimram, Godapara, Mongma Karam, Rompa Songmagre, Doka Saram, Galwangsa, Bonggare, Bokda, Chidambu aro Rongsekgre songrang salantio nanganina re·rurana jakkalgipa ong·e neng·nikaniko man·enga ine APA dol janapataha. Ua jolo songdongengipa manderangni neng·nikaniko olgrokatnagita daito donggipa department-rangko ta·rake nirokate tarie ong·chinagita APA dolrang didiataha.
