Model code of conduct (MCC) ko ra∙galani ja∙man a·doko Jal Jeevan Mission (JJM) ni kamrangko gital dake nipiltaianiko dakna a∙dokni dam 12 a·jarangona re·ange nirokaniko dakangna chanchianiko PHE Minister Marcuise Marak koborna parakataha.
JJM ni kamrango bang∙a matnanganirang dongani gimin je neng∙nikanirangko nipiltaie chu·sokatna aro namdapatanirangko dakna gita department kamrangko ka·anggen ineba Marak u∙iatangaha.
A·doko JJM ni kamrang da∙o dipet 80 percent mangnigita matchotaha aro lakh 5.14 nokdangrangna bate piperangko teke ringani chirangko sokatenga ine Marak agandapangaha.
