Tura Civil hospital-o gingtingona wagam chadoaniko rata koanio Garo Hills-o skanggipa changna chu·sokgipa ong·aha. Ia rata koanio jakasini wagam kosachipakna chadoe gingting ramako nosto ka·aniko wagamko oke galna man·anaha jekon MDS, Oral & Maxillofacial surgeon Dr. Sengkam R. Marak aro MD, Anesthesiology Dr. Stevie Jaseng N. Sangma bakrime kamko ka·e chu·sokataha.
Indake neng·nikaniko man·e Tura Civil hospital-ona re·bae sannaniko dake chu·sokgipara Rongjeng-ni bilsi 8 ong·gipa bi·sa ong·a. Ia rata koanio chu·sokanio Senior Medical and Health Officer Crejithson R. Marak, Sister Sheila K. Sangma aro gipin OT-ni dakchakgiparangni jak on·e dangdike on·anichi chu·sokna man·aha ine parakataha.
