June 26, International Day against Drugs Abuse and Illicit Trafficking ko gisik ra·e maniani bakgita da·al salo Tura Little Flower Higher Secondary School-ni chatro chatrirang aro skigiparang ramarango re·jomaniko dakangaha. Ia somoio chatro chatrirang pekgipa bosturangko jakkaljachina lekkarango see badinganiko aro jakkalaniko jegalchina chrik a·bokangaha.
Skulni chatro chatrirang manderangna mikrakaniko on·a miksonge tarigimin golporango pangchake ramasamo dakmesokanikoba nikangna man·aha. Ian dingtang mancha Garo Hills o pekgipa bosturangko jakkalgiparang batroroenganiko nike ja·ku de·ani aro bi·sarangko mikrakate naljokaniko on·a miksonge ong·atangaha.
Iasan ong·aigija, iako dakanichi songsalo pekgipa bosturangko badingani kosakoba ku·rang on·ani aro mikkangchina namgipa chadamberangko tarisoaniba ong·a ine School-ni Principal Bandhana Jogi aganangaha.
