Gambegre constituency-ni bye-election-o susanagita candidate-ko seokani bidingo Budbar attamo NPP-ni adita dilgiparang, Chief Minister Conrad Sangma-ko gronge chanchirimangaha. Koborrangko man∙soanigitade Chief Minister-ni jikgipa Mehtab Chandee Sangma-na party ticket-ko on∙anggen ine u∙ina man∙aha.
Ia tom∙anio re∙baenggipa Gambegre election-o ku∙cholsan ong∙e kam ka∙e NPP dolko cheatna chanchirimanirangkoba dakangaha.
Gambegre constituency-o Tura-ni gital MP Saleng Sangma changbrina kingking MLA ong∙e kamrangko ka∙angaha. Indake ong·engon ia chango dingtang dingtang political party-rangni gisepo biltinggrike susaaniko nikangna ka∙dongsoenga.
