East Garo Hills ni District Social Welfare Officer (DSWO) da∙al salo International Day against Drug Abuse and Illicit Trafficking ko “Evidence is clear: Invest in prevention” katta bichongo pangchake DRDA Hall-I o manianiko dakangaha.
Ia program ona EGH ni Deputy Commissioner Vibhor Aggarwal mongsonggipa ong∙e sokbae pekatgipa bosturangni namgijani bidingo agan talatan baksana chadamberangko naljoke dongchinaba didiangaha. Una agreba Crime Branch ni DSP Subir Sangma, Neuro Psychiatrist-Counsellor Dr. IC Marak aro DLSA ni PN Sangma ba bakko ra∙angtokaha.
District Social Welfare Officer, Madonna T. Sangma sokbagipa sakantinan uni rimchaksoani kattarangko aganangaha aro Rongjeng ni CDPO Ivan R. Marak mittelpilskaani kattarangko on∙angskaaha. Pekatgipa bosturangoni naljoke dongnagita skulni me∙a-me∙chikrangna an∙seng baljokaniko rakkina katjomani aro poster competition koba DSWO nigita ong∙atjolangaha.
