Meghalaya sorkarini gita “Meghalaya Right to Public Services Act, 2020” o pangchake a∙doko songdongenggipa manderangna maidakgipa niamrangko aro bilrangko dakna man∙ani bidingo songni nokni Nokma, Sordar aro gipin manderangna name talate agan skie on∙anirangko dakangaha. Ia program ko North Garo Hills District Administration Mendipathar College Auditorium-o ong∙atangaha.
Ia program-o College Student rang baksana jolo songdongenggipa manderang bakko ra∙angtokaha. Ia awareness program-o a∙jani BDO Verdi Sangma, DSP Challang Ch Momin, Medical Department, District Social Welfare Department, Law Department aro dingtang dingtang department-ni officer-rang Act-o tarigimin niamrangni gimin aro public rang an∙tangtangni namgnina maidakgipa cholrangko ra∙na man∙ani bidingo agan talate on∙anirangkoba dakangaha.
