Tura songjinmani sepango donggipa songadamrangona chirangko sokatna Bulk Water Supply ba dal·begipa chi chimongchakramko tarienggipako, PHE Minister Marcuise Marak baksana Assembly Speaker Thomas Sangma, PHE Department-ni Engineer-rang aro official-rang baksa nirokaniko dakangaha.
Ia Bulk Water Supply Scheme-ko North East Special Infrastructure Development Scheme (NESIDS)-ni ning·o chamatgimin tangkarangchi tarienga jean Tura songjinmako dule donggipa dam 35 songrangona nangchongmotgipa ringani chiko sak 33,931 manderangna sokatna miksonge tarienggipa ong·a.
Ia mingsa gamchatgipa project-ko matchotanichi jolo songdongenggipa manderangni janggi tanganiko tang·doatani ong·anggen ine PHE Minister aganangaha.
