Congress dolrang jeba party-ni namgnina kamko ka·na kusi ong·gipako rimchaksoaigen jeon TMC-ni Mukul Sangma-ba ong·ja maina ua gisik sikgenchimode rimnapaigen ine Leader of Opposition Ronnie V Lyngdoh aganangaha. Iako aganengon ian mandeko nigrike kam ka·ani ong·ja aro saksa sakgnini katta dongja indiba jeba Congress dolni namgnina aro chanchianirang apsan ong·aiode rimchaksoigen ine Lyngdoh parakataha. Ia kattarangko Mukul Sangma aro uni dolko Congress party-ona re·bapilna on·genma ine sing·anina aganchakangaha.
Adita somoirangna skang gital seokako man·gipa Tura-ni MP Saleng Sangma Mukul Sangma aro uni dolko Congress party-o bakrimepilna on·jawaha ine aganangahanina uamang mamingkoba aganchakna man·jawa maina Congress ge·sa party ong·e iani bidingo chanchirimaniko dakujaenga aro darangkoba basegijan jekoba rimchaksoaigen ine Lyngdoh agandapangaha.
