Re·anggipa salrangoni dontonggija mikka jimbee waanichi Selsella jolo mijarangna bate chi dal·bataniko nikangaha. Batanggipa somoio, Selsella jolo damgittam songrangko chi dubiangaha, mongsongbate Rajangola aro Haldibari-o bilongbate ong·angaha. Ia songni manderangni nok jamrang namen rusiatako man·aha, jekon District Administration nirokate sorkarini nokrango dongchakataha.
Apsandaken, ia changba dontonggija mikka jime waanichi bana ong·ani dal·batroroenga ine koborna parakataha. Ian namen kenbegnigipa ong·enga aro mikkangchi mikkarang jime waangkuaiode neng·nikanirangko ra·bana gnang. Bang·a nok jamrangko chi dubiaha aro skul nokrangkoba chi ripna am·engaha ine koborko man·soaha.
District Administration iarangko nirokate re·anggipa chango dakagitan sorkarini nokrango aro skulrango manderangko dongchakatna jotton ka·angenga.
