Gambegre-ni MLA seat Saleng A. Sangma-ni MP susae chegipa ong∙angani ja·mano MLA-ko watna nangao ga∙ake da∙o Gambegre MLA seat-ko gapatna nangengon ia seat-na bye-election-ko ong∙atanio BJP dol susanagita tik ka∙aniko BJP-ni dilgipa aro Cabinet Minister AL Hek parakataha. Gambegre-o BJP-nigita susaatna miksongani bidingo a∙dok BJP-ni President aro National Vice-President In-charge Meghalaya baksa agangolpogrikaha ine Hek aganangaha.
Gambegre bye-election BJP-ni ticket-o susana bang·a candidate-rang tarisoaniko dakenga, iani gisepon Tura-ni MDC aro BJP-ni dilgipa Bernard Marak-ba susanagita tarisoaniko dakenga. Indake ong∙engon party ticket-ko on∙ani party-osa pangchakgen ine Hek aganangaha.
Batanggimin Lok Sabha election-o Garo Hills-o Congress dolnigita MP chegipa ong∙genchimoba, MLA aro MDC election MP election baksa namen dingtanggrikani gimin MLA-nasan susaaigija Council election-rangoba BJP-nigita susaanggen ineba Hek agandapangaha.
