SGH Baghmara songjinmani mongsonggipa rama jean Siju, Rongara aro Nangalbibraona dakanggipa rama mikkarang dontonggija wa·anichi mijal walni bako be·gruaha ine koborna parakataha.
Baghmara Municipal Board ni kosako donggipa gimik ramani bakrang jean East Garo Hills aro Rongara-oni South West Khasi Hills ona re·gipa ramarang namen nosto ong·ani a·sel re∙ruraaniko dontongatna nangaha. Ia a∙sel ong∙anichi a·jani DC office ona gari gorarangni re∙anikoba champengataha ine u·iataha.
Apsan daken Siju ona re∙nagipa manderang Baghmara circuit house gitasa ja∙achi ramako re∙esa songrena nangaona ga∙akaha. Garo Hills-o antigimik mikkarang wa·anichi a·a rurongdapaniko, nok be·gruaniko aro chi dal∙anirangko chagrongangaha.
