WGH Gambegre block-ni ning·o donggipa songrango Jio network-ko ba internet-ko da·ororo watanirang tik ong·jaenga ine jolo songdongenggiparangoni mande saksa koborna u·iatangaha. Uni u·iatanigitade je Jio tower donggipa internet-ko watani tik ong·jaengani a·selo block-o kam ka·enggiparang namen neng·nikaniko man·enga ine janapataha. Ia neng·nikanirangko noljokatnagita daito donggipa Telecom department ta·rakale nirokatchina jinmani palo mol·molataha.
Apsan daken bijoliko watanirangba jagimikan tik ong·jaengan baksana bijoliko watgenchimoba voltage chu·onggija watenga aro MeECL department-o kam ka·giparangba mikka balwarangna nosto ong·anirangko nirok sandiani komia ineba u·iatangaha.
Indake Gambegre jolo songdongenggipa manderangni neng·nikanirangko naljokatnagita daito donggipa department-ni officer-rang ta·rake nirokatchinagita mol·molataha.
