Rajabala Unit-ni ACHIK dolrang mikka wachini somoio songdongenggipa manderang re·ruraanio neng·nikanirangko man·enganina Dolgure-oni Bazamara-ona subway-ko rike on·china didiangaha. Song damgniko nangdimatna gital dolong rikenggipaba matchotkujaengani gimin subway-ko tarichenge on·ode wachi kario re·rurana dakchakbeani ong·gen ine uamang janapataha.
Dolong tarianiko matchotna sepangahaoba, Dolgure-Bazamara songona re·ruanio ru·uta somoirangna baikamgipa chol ba pangchakna man·anikosa nanga ine Vice President Kalcheng Ch. Marak aganangaha. subway-ko tarie on·genchimode songdongenggipa manderangna wachi karini somoio naljokatani aro gari gorarangni re·a doanioba dingtanganiko ra·bana man·gen ineba agandapangaha.
Wachi karini somoio mikkarang jimbee wa·ani a·selo bang·bata somoirangon jachange dongna nangao ga·akrongani gimin subway-ko tarie on·genchimode songdongenggipa manderangna nambatgipa ong·gen ine uamang parakangaha.
