Da·al salni bako District and Sessions Court, Tura-o, ‘Early Access to Justice at Pre-Arrest, Arrest and Remand Stage’ katta bichongko done salsana training programme-ko District Legal Services Authority (DLSA),Tura ong·atangaha. Ia training programme-ko police officer-rang, court-o bak donggiparang, rai on·anio bil donggipa ukilrang aro legal aid counsel-rangna dingtangmancha agantalate on·agita ong·atangaha. Ia training programme-o DLSA-ni Secretary I R. Marak-ba dongpae bakko ra·angaha.
Ia programme-ko ong·atani somoio, rim·na skang bail man·ani, dosi donggipako rim·ani aro court-ni bichal ka·e rai on·a skang pulisni ning·o donna man·gijani bidingo Tura-ni Chief Judicial Magistrate J A. Marak aganangaha. Unbaksana dakna amani aro niamrango pangchake dakchakniko ra·na man·ani bidingoba Chief Judicial Magistrate aganangaha.
