A·dokni ku·sikrangko de·dororoatna miksonge, Chief Minister Conrad Sangma, Over-the-top (OTT) platform-ni a·bao Hello Meghalaya-ko mijal salo LARITI International Center for Performing Arts and Culture, Shillong-o a·bachengate on·aha. Meghalaya a·dok skanggipa Northeast-o OTT platform-ko a·bachenggipa ong·aha jekon chadamberangna cholrangko on·a aro tang·doatna miksonge ra·baaha.
Hello Meghalaya ni ning·o dingtang dingtang bakrang jekai jawilwat tariani, music video, kan·dikgipa jawilwat aro gipinrangba gnang. Jawilwat tarigiparangna ge·prak jawilwato gong lakh 5 ko on·enga, jeon a·dokni aro a·songni a·palna tarigiparangna dingtang on·anirangba dongkua. Content tarigiparangna jao gong hajal 18 ko bang·bate upload ka·na man·gipana on·gen, aro nigiparang bang·ode uno pangchakeba on·dapanirang gnang. Kan·dikgipa jawilwat aro video-rangko tarigiparangba ia cholko ra·e namgniko man·a amgen.
Ia app-chi dingtang dingtang program-rangko jekai football kal·ani, MGMP, music festival, aro gipinrangko live mesokatna sorkari miksongangenga. Iako manderang altuae nikna ba nisona man·agita dakanggen. Chief Minister Conrad Sangma, manderangna aganengon, ian a·dokni ku·siktangrangko ripingna aro bakroatna ja·ku de·ani ong·a ine aganangaha. Ian dingtang mancha cholrangko jawilwat tarigiparangna aro music-ni a·barango dakchakaniko on·anggen ine Sangma janapangaha. Ua sakantikon ia OTT platform-o bakrimpachina aro jawilwatrangko nie a·doktangni manderangna dakchakchina didiangaha.
Ia program-o Hello Meghalaya-ni bidingo kan·dikgipa jawilwatko mesokangaha aro Content Creator award-rangko adita seoka man·giparangna on·angaha. Ia somoio Tourism Minister Paul Lyngdoh aro Chief Secretary D. P Wahlang bakko ra·angaha.
