WGH Jengjal Farmers Market-o World Consumer Rights Day-ko gisik ra·angan baksana consumer rights-ni bidingo awareness program-ko a·jani Deputy Commissioner office-nigita ong·atangaha.
Ia program-o a·jani Additional DC aro Jengjal Civil Sub-Division-ni SDO Winje G. Momin mongsonggipa sokgipa ong·e manderangko daitoko ra·e simsake bosturangko bree cha·anio an·tangtangni bilko jakkalan baksana District Consumer court, District Grievance Redressal Office, State Commission aro Food Safety Office-oniko man·a nanganirangko jakkale aro bosturangko tol·e palgiparangoni naljoke dongchina mikrakataniko on·angaha.
Apsandaken NESA, 2013-ni ning·o Aadhaar card-rangko tarie Ration card baksa nangrimate, One Nation One Ration Card (ONORC) aro sorkarini gipin scheme-rangni namgniko man·a amani bidingo a·jani Superintendent of Supply Juniko K. Marak agan-talatangaha. Unbaksana Fair Price Shop dealer-rangko jaanti merong mechurangko sualni somoio, Ration card baksa Aadhaar card rangko nangrimataniko ePOS-nigita u·iatchina didiangaha. Una agreba pilak dealer-rangko uamangni FPS centre-rangni ramarangko GPS-nigita u·iatchina ge·etangaha jedakode mikkangchi re·a doanirango subsidy-rangko man·agita cholko man·anggen ine Marak aganangaha.
Ia program-o Food Safety-ni Asst. Commissioner Tangme Marak, District Consumer Greivances Redressal Commission-ni member Luna A. Sangma, State Food Commission-ni member Dr. G K. Marak, Jengjal FPS dealers Association-ni Wasa Marak aroSIS-ni Damchi R. Marak dongpae adita ku·pattianirangko on·angaha.
