Garo Hills ni Deshi Muslim rangna 5% reservation ko on·china Rajabala ni MLA dabia

Da·al salni bako State Reservation Policy ni Expert Committee ni Chairman Mool Chand Garg ko Rajabala ni MLA Dr. Mizanur Rahman Kazi gronge adita nangnikanirangko ku·pattie on·angaha.

Kazi-ni ku·pattie on·anigitade Garo Hills ni a·kawe jolo songdongenggipa Deshi Muslim rangko Other Backward Class (OBC) ranggita ra·chakaniko dake kamrangna rimnapanio 5% Reservation ko chamatchina didiangaha.